आकाशगंगा नावाच्या माझ्या घरकुलात - कविता
आकाशगंगा नावाच्या माझ्या घरकुलात
कितीतरी सोबती माझे
तारे अऩ ग्रहांच्या गदारोळात
महास्फोटांच्या नौबती वाजे
ता-यांचे समुह अनेक
अफाट त्यांचा विस्तार
घराच्या केंद्रात गर्दीच त्यांची
बाहूत मात्र तुरळक फार
मोठया ता-यांचा आकार केवढा
अन दीपवणारी त्यांची दीप्ती
खुज्यांचा प्रकाश थोडा
परि मृत्यू त्यांचा लांब किती
धुमकेतूंची त-हाच निराळा
जणू पाहूणे ते घरकुलात
करती ये जा इकडून तिकडे
त्यांचा वेग किती भन्नाट
ग्रह आणि बटू ग्रह छोटे
सारी शेंडेफळे या घरातली
गुरूत्वाकर्षण कमी असल्याने
फिरावे लागते ता-याभोवती
आकाशगंगा नावाच्या या घरात
सदानकदा विस्फोट माजे
तरी माझ्या सा-या भाईबंदांमध्ये
आकाशगंगेचे हे घरकुल नांदे.
टिप्पणी पोस्ट करा
0टिप्पण्या